![](https://www.epokaere.com/wp-content/uploads/2024/08/lepenci.jpg)
Lepenci ngufatet nga mbeturinat (foto)
Shishe të plastikës, bidonë dhe mbetje të tjera kanë mbuluar një pjesë të lumit Lepenc në Kaçanik. Ky lokacion nga banorët lokalë njihet si “Guri i shpuar”.
Lumi Lepenc është një prej lumenjve më të prekur nga dëmtimi dhe ndotja. Në rrjedhën e Lepencit janë ndërtuar disa hidrocentrale. Aty derdhen edhe ujëra të zeza dhe hidhen mbeturina.
Lepenci, sikurse lumenj të tjerë në Kosovë, përballet me ndotje dhe degradim të vazhdueshëm. Raporti i organizatës “Dplus”, “Politika në praktikë – sfidat nga ndotja e lumenjve dhe menaxhimit të mbeturinave në Kosovë”, i vitit 2023, ka gjetur se shfrytëzimi i paligjshëm i zhavorrit, derdhja e ujërave të zeza nga qytetarët dhe bizneset në lumenj, pa u trajtuar në impiante, mbetjet e shumta në rrjedhat e lumenjve dhe mbetjet inerte përgjatë brigjeve të tyre, janë faktorët kryesorë që po degradojnë pasuritë kryesore natyrore të Kosovës.
Sipas këtij raporti, ndotja më e madhe e lumit shkaktohet nga derdhja e ujërave të zeza nga shtëpitë dhe bizneset, “ishujt” e qeseve plastike dhe mbeturina tjera.
Përmirësimi i situatës, sipas raportit, është i vështirë për shkak se buxheti për sektorin e ujit është i pamjaftueshëm.
![Lepenci, sikurse lumenj të tjerë në Kosovë, po ërballet me ndotje dhe degradim të vazhdueshëm. ](https://gdb.rferl.org/01000000-c0a8-0242-3002-08dcc298d39f_w1023_s.jpg)
![Shishe të plastikës, bidonë dhe mbetje të tjera kanë mbuluar një pjesë të këtij lumi në Kaçanik.](https://gdb.rferl.org/01000000-c0a8-0242-5dc6-08dcc298b5d3_w1023_s.jpg)
![ Ky lokacion nga banorët lokalë njihet si “Guri i shpuar”.](https://gdb.rferl.org/01000000-c0a8-0242-1d76-08dcc298951d_w1023_s.jpg)
![Një pamje më larg e mbeturinave të grumbulluara në lumin Lepenc. ](https://gdb.rferl.org/01000000-c0a8-0242-03ef-08dcc298aaed_w1023_s.jpg)