![](https://www.epokaere.com/wp-content/uploads/2024/05/ronaldo.jpg)
Golashënuesi më i mirë, UEFA nderon Ronaldon
Ky çmim special do të jepet në Monte Carlo gjatë ceremonisë së shortit të UEFA Champions League 2024/25.
Cristiano Ronaldo, golashënuesi më i mirë i të gjitha kohërave në UEFA Champions League, do të marrë një çmim special nga presidenti i UEFA-s, Aleksander Čeferin, në shenjë mirënjohjeje për karrierën e tij të jashtëzakonshme në kompeticionin më prestigjioz të botës.
Sukseset e Ronaldos në kompeticionet më të mira të klubeve evropiane – të arritura në më shumë se 18 vjet – do të festohen gjatë ceremonisë që do të presë shortin për fazën e re me 36 ekipe të Ligës së Kampionëve UEFA, e cila do të mbahet të enjten më 29 gusht në Forumi Grimaldi në Monte Carlo.
Ish-sulmuesi i Sporting Clube de Portugal, Manchester United, Real Madrid dhe Juventus ka shënuar 140 gola në Ligën e Kampionëve në 183 paraqitje, dhe është 11 gola përpara Lionel Messit dhe 46 përpara Robert Leëandoëski, i treti në listën e golashënuesve.
Portugezi mban gjithashtu rekordin për gola në një sezon të vetëm të Ligës së Kampionëve, pasi ka shënuar 17 gola në 2013/14, duke përfshirë fituesin e kohës shtesë kundër Atlético Madrid në finale.
NUMRAT E RONALDOS NË LIGËN E KAMPIONËVE
Ndeshje: 183
Gola: 140
Triumfe: 5 (2008, 2014, 2016, 2017, 2018)
Fitues si golashënuesi më i mirë: 7 herë (2007/08, 2012/13, 2013/14, 2014/15, 2015/16, 2016/17, 2017/18)
Më shumë gola në një edicion të vetëm: 17 (2013/14)
Seria më e gjatë e golave: 11 ndeshje