![](https://www.epokaere.com/wp-content/uploads/2024/08/Qeveria-Kurti-1333x1000-1.jpg)
Paga minimale rritet në 350 euro
28 gusht 2024
| 11:10
Qeveria e Kosovës ka vendosur që paga minimale të rritet në 350 euro bruto.
Vendimi u mor në mbledhjen e sotme të Qeverisë.
“Paga minimale e re bëhet 350 euro/muaj”, ka shkruar në “Facebook” ministri i Financave, Hekuran Murati.
Kryeministri i vendit, Albin Kurti, tha se sot pas 13 vjetësh po e bëjnë ndryshimin, duke unifikuar pagën minimale për të gjitha grupmoshat pa diskriminim.
“Niveli i ri i pagës minimale do të jetë dy euro për orë pune të rregullt, apo 350 euro bruto në muaj për punë me orar të plotë. Kjo pagë minimale e re do të prekë mbi 150 mijë të punësuar të cilët punojnë me paga më të ulëta se 350 euro në muaj”, deklaroi Kurti sot gjatë mbledhjes së qeverisë.