Një figurë e rëndësishme do të vijë nesër (e enjte) në Kosovë.

Kryeministri Kurti ka bërë me dije se Kosovën do të vizitojë ndihmëssekretari i përgjithshëm i NATO-s për operacione, Thomas Goffus.

“Nesër për vizitë vjen Tomas Goffus, sot vjen delegacioni danez i asamblesë parlamentare i Këshillit të Evropës, ndërsa javën e ardhshme do t’i mirëpresim dy ministra të jashtëm të dy shteteve anëtare të NATO-s”.

“Në të gjitha këto takime natyrisht diskutohet edhe çështja e hapjes së urës qendrore në Ibër. Për të cilat jemi duke i bërë të gjitha konsultimet e nevojshme dhe punët tona të shtëpisë si për shembull trajtimin e drafiti preliminar të qëndrueshmërisë së Urës e deri te përgatitjet për rregullimin e pamjes dhe pastrimin e mjedisit. Liri e lëvizjes dhe ajo është e drejtë themelore si në Kosovë ashtu edhe në BE”, ka thënë Kurti.