![](https://www.epokaere.com/wp-content/uploads/2024/08/daku-2.jpg)
Trajneri i Rubinit, Shqipërisë: Mos e grumbulloni Dakun këtë herë
28 gusht 2024
| 15:41
Sulmuesi Mirlind Daku nuk do kontribuojë në ndeshjen e parë në shtator për Shqipërinë për shkak të dënimit nga UEFA.
Numri një i bankinës së Rubin Kazan, Rakhimov kërkon që Daku mos të ftohet as në sfidën e dytë të kombëtares.
“Daku ka një dëmtim jo të lehtë, nuk e lejon të luajë me kapacitet të plotë. Ai po luan gjithmonë me injeksione, është gabim të rrezikosh sulmuesin, duhet t’i japim pak kohë pushim. Nuk është fare e drejtë që ta nxjerrësh një lojtarë në fushë gjithmonë me qetësues. Me shumë gjasa tani Dakun e thërret Shqipëria, ne do të përpiqemi që ta bindim Shqipërinë që të mos e marrin këtë herë, por t’i japin mundësinë të rikuperohet”, ka deklaruar Rakhimov.