![](https://www.epokaere.com/wp-content/uploads/2024/08/Manastirliu.jpg)
Ekipi olimpik shqiptar, Manastirliu: Për medalistët ka shpërblim të veçantë
Ekipit Olimpik Shqiptar është pritur me një ceremoni në ministrinë e Arsimit dhe Sportit, për të shprehur mirënjohje dhe nderime në paraqitjen e tyre në Paris 2024. Shqipëria arriti një sukses historik me sportistët Chermen Valiev dhe Islam Duadev në Lojërat Olimpike “Paris 2024”, që morën dy medalje bronzi dhe ngritën lart flamurin kombëtar.
Ata u pritën nga ministrja Ogerta Manastirliu vlerësoi paraqitjen e të gjithë ekipit olimpik shqiptar, ndërsa tha se kjo fitore është fryt i punës së palodhur dhe sakrificës së tyre por edhe i gjithë ekipit, KOKSh dhe investimeve dhe mbështetjes së dhënë nga qeveria gjatë viteve të fundit.
Manastirliu tha se medalistët kanë një shpërblim të veçantë për fitoren e tyre me sistemin e ri të shpërblimeve që është vendosur nga qeveria për sportistët kamionë.
Ministrja tha se prej kohësh janë vendosur me vendime qeveria shpërblime të veçanta për medalistët dhe trajnerët e tyre, duke u dhënë sportistëve tanë një motivim më shumë për të vazhduar rrugëtimin drejt majave më të larta të sportit botëror.
“Kënaqësi t’ju shpreh mirënjohjen. Na keni bërë krenar duke ngritur lart flamurin tonë kombëtar, është një ngjarje historike që kemi marrë dy medalje olimpike të bronzta. Çdo fitore është mund personal por është e gjitha edhe një fitore e një ekipi. Dua të falënderoj edhe dy medalistët tanë që na bën krenarë. Dua t’ju them se qeveria është e angazhuar për mbështetjen e sportistëve në shumë drejtime përmes infrastrukturës sportive kemi mundësuar rritjen e buxhetit për 8 federata, ku edhe ajo e mundjes ka pasur një buxhet më të rritur për të mundësuar përgatitjen e mundësve. Fakti që vini me medalje sistemi i shpërblimeve ka shpërblime të dedikuara edhe për medalistët tanë. Do kemi mbështetje specifike nga qeveria përmes sistemit të shpërblimeve të vendosur”, tha Manastirliu.
Për herë të parë në histori Shqipëria artriti të merret në Lojërat Olimpike Paris 2024 dy medalje bronzi, konkretisht përmes Islam Dudaev dhe Chermen Valiev në kategorinë 65 dhe 74 kg në disiplinën e mundjes stil i lirë.