Sot është hapur dega e Postës së Kosovës në veri të Mitrovicës, përkatësisht në sheshin sheshin ‘Car Llazar’.

Aty kanë marrë pjesë Ministrja e Ekonomisë, Artane Rizvanolli dhe Ministri i Administrimit të Pushtetit Lokal, Elbert Krasniqi.

Hapjen e filialit të postës në veri e kanë kundërshtuar disa pjesëtarë të komunitetit serbë atje të cilët kanë protestuar.

Aty janë parë edhe forcat policore. Zëdhënësi i policisë, Petrit Fejza ka thënë se nuk ka pasur ndonjë incident dhe gjithçka ka shkuar në rregull.

“Kanë qenë 4 persona të cilët kanë protesruar, kanë përdor pipat për zhurëm, mirëpo gjithçka tjetër ka shkuar në rregull”, ka thënë Fejza.