“Mbreti i Pop-it”, Michael Jackson do të festonte sot (29 gusht) ditëlindjen e tij të 66-të. Por ai u nda tragjikisht nga jeta më 25 qershor të vitit 2009, duke tronditur të gjithë botën.

Truproja i fundit i këngëtarit legjendar, Bill Whitfield ka treguar në një intervistë për “The Sun” momentet e tij të fundit dhe se çfarë e mundoi aq shumë përpara se të vdiste.

Bill u bë truproja e Jackson në dhjetor 2006, jo shumë kohë pasi ai u pastrua nga akuzat tronditëse për abuzim seksual të fëmijëve. Ai tha se kishte lexuar histori për rastin dhe e kishte marrë punën i pasigurt në mendjen e tij nëse akuzat mund të ishin të vërteta.

“Ashtu si të gjithë, edhe unë i dëgjova të gjitha historitë përpara se të punoja për të, kështu që do të ishte normale që unë të hyja në situatën duke pyetur veten. Të jesh kaq nga afër dhe personalisht me dikë, nëse do të ishte e vërtetë kjo situatë, do të zbulohej.

I kushtova shumë vëmendje atij, rrethinës së tij dhe mënyrës sesi ai ndërvepronte me fëmijët e tij dhe njerëzit e tjerë Kurrë nuk kam dashur t’i besoj këto gjëra, por padyshim që i kam hedhur një sy, i kam kushtuar më shumë vëmendje, sepse nuk e kam njohur derisa kam filluar të punoj për të”, u shpreh si fillim Bill.

Ai e cilësoi Michael-in si një mik shumë të mirë dhe se pas disa kohësh që punonte me të, nuk i besonte më këtyre akuzave.

“Duhet të ishe pranë tij që ta njihje dhe unë isha aty. Pra, jo, nuk Michael-i nuk ishte i tillë. Dhe kështu që ende më befason kur dëgjoj gjëra të tilla.

Më vjen keq që ai nuk jetoi aq gjatë sa për të treguar anën e tij të historisë, në mënyrë që njerëzit të kuptojnë më mirë se kush ishte. Ai nuk do të lëndonte kurrë një fëmijë. Ky nuk ishte njeriu që unë njoha.

Një herë ai tha se do të priste kyçin e dorës para se të lëndonte një fëmijë. Kështu që unë e di që ato akuza ishin të dëmshme për të. Mund të them se kjo e ndryshoi atë”, shtoi Bill.

Pasi arriti të bëhej yll që fëmijë, Jackson kaloi katër dekada në qendër të skenës botërore, duke arritur në 500 milionë shitje rekord gjatë procesit. Por ai u përfshi në polemika kur në vitin 1993 u akuzua për abuzim seksual me një fëmijë. Kjo çështje u zgjidh jashtë gjykatës civile.

Megjithatë, në vitin 2005, Jackson u gjykua për akuza të mëtejshme të dëmshme për abuzim seksual të fëmijëve. FBI nuk arriti të gjente ndonjë provë të sjelljes kriminale dhe ai u lirua.

“Përpara se të bënte turneun e ‘This Is It’, shumë gjëra kishin ndryshuar. Kishte më shumë njerëz në jetën e tij dhe kjo e bëri më të egër. Unë mund të shihja se ai ishte pak më i dobët se normalisht, ai po bënte shumë prova. Mund të them se kjo po rëndonte mbi të”.

I pyetur nëse dikush e vrau me dashje Michael-in, Bill u përgjigj: “Mendoj se dikush ka gabuar. Mendimi se ai vdiq nga duart e dikujt qëllimisht, nuk më rëndon.

Më kanë pyetur shpesh, çfarë mendoj se e vrau atë. Dhe unë u kam thënë njerëzve, shumë nga gjithçka. Dhe përfshin shumë prej nesh. Kishte kaq shumë njerëz që donin jo vetëm të ishin pranë tij, por kishte kaq shumë njerëz që donin diçka prej tij. Dhe kjo mund të jetë dërrmuese. Ai ishte padyshim i stresuar. Dhe stresi vret

Më pëlqen të mendoj se ai jo vetëm që ndërroi jetë, ai u largua. Ai u largua nga ky vend, nga kjo botë, për një vend më të mirë”.