![](https://www.epokaere.com/wp-content/uploads/2024/08/rudiger-1-780x439-1.webp)
Reali ndalet edhe nga Las Palmas
Real Madridi nuk e ka filluar mirë sezonin 2024/25, pasi ka dy barazime dhe një fitore në La Liga.
Los Blancos fillimisht ishin ndalur nga Mallorca, kishin fituar ndaj Valladolidit, ndërsa sonte barazuan 1-1 me Las Palmas.
Pas vetëm pesë minutash lojë, vendasit kaluan në epërsi me anë të Alberto Moleiro, që u asistua prej McBurnie.
Federico Valverde dhe Antonio Rudiger kishin rastet më të mira shënimi, por që të dy nuk arritën të shënonin.
Në pjesën e dytë, Real Madridi kërkonte më shumë, por që arriti vetëm golin e barazimit dhe atë përmes penalltisë.
Kylian Mbappe tentoi në minutën e 56-të, mirëpo portieri Jasper Cillessen bëri një pritje fantastike.
Nga një penallti e fituar prej Arda Guler, Vinicius Junior i barazoi shifrat në 1-1 në minutën e 69-të.
Mysafirët tentonin të merrnin pikët e plota, por që Carlo Ancelotti duhej të kënaqej me një pikë.
Pas javës së tretë, Real Madridi ka pesë pikë, katër më pak se Barcelona që ka fituar të gjitha ndeshjet.