![](https://www.epokaere.com/wp-content/uploads/2024/08/sex-1507540-1.jpg)
Nëntë arsyet pse seksi është më i mirë në mëngjes
Kur në mëngjes dielli t’i lëshojë rrezet në dritare të dhomës, pak “aksion” mund të tingëllojë gjithsesi ide e mirë.
Të bërit dashuri në mëngjes përveçse një përshëndetje shumë e veçantë për të nisur ditën, është edhe një mënyrë që ndikon mjaft pozitivisht në humorin, fizikun, marrëdhënien tuaj në çift, por mbi të gjitha aftësinë e ngjizjes.
Mëngjesi të falë një ndjesi totalisht të ndryshme, me mendjen e freskët, trupin e qetësuar, nervat e çlodhura dhe është më e lehtë të ndjesh dëshirën për të rrëmbyer partneren dhe nisur ditën në një mënyrë të tillë aq eksituese.
Pavarësisht a ka të bëjë seksi i natës vonë me shprehi, instinkt, apo komoditet seksi në mëngjes është zgjidhje shumë më e e mirë se në mbrëmje, pohon seksologu Glen Rowan.
Dr. Fran Walfish thotë se “Seksi i mëngjesit inicion intimitetin dhe afërsinë emocionale në fillim të ditës, dhe atëherë ka më së paku pengesa”.
Gazeta britanike “Metro” ka paraqitur nëntë arsyet pse seksi është më i mirë në mëngjes.
1. Pse jo? Jeni të zhveshur, të eksituar dhe në shtrat – seksi në mëngjes në këtë rast duket obligativ.
2. Spontaniteti është seksi. Seksi i mëngjesit është një moment i vjedhur. Kështu që, në vend se të kaloni orë të tëra në rregullimin e flokëve, në zgjedhjen e rrobave dhe “rutinat tjera mëngjesore”, thjesht hidhuni në shtrat dhe kryeni marrëdhënie seksuale.
3. Është i shpejtë. Meshkujt mund të befasohen kur të kuptojnë se femrat ndonjëherë nuk duan paralojë për orë të tëra, por thjesht duan të përjetojnë orgazëm. Andaj, seksi në mëngjes është i shpejtë dhe i drejtpërdrejtë.
4. Do të jeni më të lumtur. Është vërtetuar se orgazma bën njerëzit që të ndihen më të qetë dhe të relaksuar. “Dita e mirë shihet në mëngjes”!
5. Do të jeni në formë më të mirë fizike. Seksi djeg më se 144 kalori për 30 minuta.
6. Do të jeni më të shëndetshëm. Një marrëdhënie e mirë seksuale ju rritë nivelin e IgA-së, një antitrup që ju ruan nga infeksionet.
7. Jeni më seksi në mëngjes. Flokë të çrregulluara dhe grimi i përshkëllirë – gjithkush duket më seksi në mëngjes.
8. Meshkujt janë më të eksituar në mëngjes. Periudha kur meshkujt janë në “majën” e eksitimit është pikërisht mëngjesi.
9. E ke gjithë ditën që ta kujtosh. Gjëja më e mirë për seksin e mëngjesit? Mund ta kujtosh pastaj gjatë gjithë ditës.