![](https://www.epokaere.com/wp-content/uploads/2024/08/IMG_4525.jpeg)
Një ushtar ukrainas dërgohet pa shenja jete në emergjencën e Prizrenit
Një ushtar ukrainas është dërguar sot pa shenja jete në emergjencën e Prizrenit. Zëdhënësi i Policisë në Prizren, Bytyqi tha se ushtari ukrainas në emergjencë u soll nga FSK-ja.
Policia është duke e hetuar rastin.
“Me datë 31.08.2024, rreth orës 11:35 emergjenca e spitalit të Prizrenit ka informuar policinë se FSK-ja ka dërguar një ushtar Ukrainas i lindur me 1992, pasi qe i njëjti ka pësuar arrest kardiak dhe sipas mjekut kujdestar ne emergjencë është pranuar pa shenja jeta”, tha ai.
“Patrulla policore ka arrit në emergjence se bashku me hetimet.
Ndërsa është njoftuar prokurori i shtetit dhe rasti u inicua si “Hetim i Vdekjes”. Hetues kujdestar nga SRH-Prizren gjithashtu kanë qenë në Spitalin Rajonale në Prizren. Me urdhër të Prokurorit kujdestar trupi i pa jetë është dërguar për autopsi në Institutin e Mjekësisë Ligjore në Prishtinë. Hetuesit në koordinim me zyrtarin përgjegjës të FSK-se kanë ndërmarr të gjitha masat adekuate për njoftimin e institucioneve përgjegjëse lidhur me ushtarin e ndjerë. Rasti vazhdon te hetohet nga Sektori Rajonal i Hetimeve në Prizren”, tha Bytyqi.