Avokati Tomë Gashi ka dalë kundër vendimit të kryeministrit Albin Kurti, për dhënien në shfrytëzim të një prone për shoqatën “Jetimat e Ballkanit” për ndërtimin e Kompleksit “Qendra rezidenciale e Kosovës për autizëm, sindomë daun dhe aftësi të kufizuar për fëmijë, persona të rritur dhe të moshës së shtyrë”.

Gashi ka thënë se ky është një gabim i Kurti.

“Gabim, gabim, gabim katastrofal i Albin Kurtit”, ka shkruar Gashi në “Facebook”.

Ndërkohë, Qeveria e Kosovës ka miratuar një vendim që i jep në shfrytëzim për një periudhë prej 99 vitesh një pronë humanistit Halil Kastrati.

“Për qëllimin e realizimit të interesit publik, sipërfaqet kadastale të paraqitura në këtë vendim iu kanë jep për shfrytëzim Shoqatës Bamirëse ‘Jetimët e Ballkanit’ për ndërtimin e Kompleksit ‘Qendra rezidenciale e Kosovës për autizëm, sindomë daundhe aftësi të kufizuar për fëmijë, persona të rritur dhe të moshës së shtyrë’, në periudhë prej 99 vitesh”, është thënë në vendimin e qeverisë.