Ka dalë nga shtypi libri me poezi “Dyqanet e anandas” i poetit dhe kritikut letrar Bujar Meholli.

“Dyqanet e anandas” është përmbledhja e dytë me poezi e Bujar Mehollit.

Profesor i letërsisë shqipe, eseist, kritik dhe shkrimtar. Krahas ligjërimit të letërsisë, analizon problematika nga letërsia, filozofia, psikologjia, muzika, piktura, filmi dhe kultura përgjithësisht.

Aktiv në medie të shkruara dhe online; gama e shkrimeve të tij përfshin multikulturalizmin, analizat sociokulturore, vlerat substanciale të artit dhe letërsisë, indin e epokës digjitale dhe implikimet psikofizike te njeriu i shekullit XXI.

Edhe në shkrimet letrare, kryesisht tregime të shkurtra dhe poezi, Meholli i trajton këto tema duke dhënë informata përcjellëse e instruksione morale nën frymën ekspresioniste, me stil modernist mjaft të ndërlikuar shprehës.

Libri është botuar nga shtëpia botuese “Armagedoni”, kurse është subvencionuar nga Ministria e Kulturës, Rinisë dhe Sportit.