![](https://www.epokaere.com/wp-content/uploads/2024/09/fsk.jpg)
Ministria e Mbrojtjes hap konkurs për pranimin e 300 ushtarëve të rinj
02 shtator 2024
| 14:26
Ministria e Mbrojtjes ka njoftuar se ka hapur konkurs për pranimin e 300 ushtarëve të rinj.
Sipas kësaj ministrie, konkursi do të jetë i hapur nga data 9 shtator deri më 8 tetor 2024, ndërsa të drejtë aplikimi kanë të gjithë të interesuarit, nga mosha 18 deri 25 vjeç.
“Të gjithë të interesuarit për t’u bërë pjesë e Ushtrisë së Kosovës, mund të aplikojnë në ueb faqen e Ministrisë së Mbrojtjes, duke plotësuar formularin i cili së shpejti do të publikohet. Bëhu ushtar i Kosovës”, ka njoftuar Ministria e Mbrojtjes.