Prishtina nuk po gjen qetësi. Një tjetër rast i rëndë  ka ndodhur të hënën pasdite. 

Zëdhënësja e Policisë së Kosovës për rajonin e Prishtinës, Flora Ahmeti e ka konfirmuar për gazetën online Reporteri.net se një person është therur me thikë në rrugën “Lekë Dukagjini”.

“Sot rreth orës  18 :00, kemi marrë informatën për një  lëndim trupor të ndodhur në rrugën “Lekë Dukagjini” në Prishtinë. Bazuar në të dhënat fillestare, në këtë rast nga një mjet i mprehtë është lënduar një person.”, ka thënë Ahmeti.

Sipas saj, viktima është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti.

Ndryshe, mbrëmë në Prishtinë një person u vra e pesë të tjerë u plagosën.