![](https://www.epokaere.com/wp-content/uploads/2022/11/fajonn-sta.jpg)
Kryediplomatja sllovene: Ky ishte forumi strategjik më i vështirë i Bledit deri më tani
Ministrja e Punëve të Jashtme të Sllovenisë, Tanja Fajon, e ka mbyllur Forumin Strategjik të Bled-it të këtij viti, i cili sipas saj ishte më i vështiri në situatën komplekse gjeopolitike.
“Ishte një përvojë e re e paçmuar, padyshim forumi më i vështirë në një situatë komplekse gjeopolitike, por më shumë se 2500 të ftuar shkuan në shtëpi me përshtypje të mira nga mikpritja e Sllovenisë”, ka shkruar Fajon në platformën “X”.
Ajo në hapjen e forumit ka theksuar se përgjigja ndaj një numri të madh krizash dhe konfliktesh në botë duhet të jetë politika dhe diplomacia.
“Emri i këtij viti i forumit ‘Bota e realiteteve paralele’ duket se është i përshtatshëm sepse pasqyron gjendjen e botës sot, tregon një numër të madh padrejtësish dhe pabarazish, tregon josinqeritet dhe standarde të dyfishta në vendimmarrje. tregon edhe pasojat e premtimeve të pambajtura”, ka thënë Fajon.