![](https://www.epokaere.com/wp-content/uploads/2024/09/t-1-600x360-1.jpg)
Një togë e kontingjentit shqiptar përfundon misionin në KFOR, nderohet me medalje
06 shtator 2024
| 08:05
Komandanti i Komandës Rajonale të KFOR-it në Perëndim, kolonel Rocco Mundo, kryesoi dje ceremoninë e përfundimit të dislokimit të një toge të kontingjentit shqiptar.
Në një postim në rrjetet sociale, faqja zyrtare e KFOR ka publikuar pamjet nga aktiviteti teksa shkruan se ceremonia u mbajt në kampin “Villaggio Italia”, në Pejë.
Koloneli Mundo shprehu vlerësimin e tij për personelin shqiptar në largim, për përkushtimin dhe profesionalizmin e treguar gjatë dërgimit të tyre.
KFOR-i në njoftim tha se ata u nderuan me medalje të NATO-s, në shenjë mirënjohjeje për shërbimet e tyre të shkëlqyera.