![](https://www.epokaere.com/wp-content/uploads/2018/12/kontraband.jpg)
Disa vetura tentuan të kontrabandonin mallra nga Serbia në Kosovë, ndalohen nga Policia
Policia e Kosovës ka ndaluar në Zubin Potok katër vetura me targa serbe dhe një me targa lokale.
Në raportin 24 orësh, thuhet se veturat po hynin ilegalisht nga Serbia në Kosovë, teksa po tentonin të kontrabandonin pije alkoolike dhe produkte tjera ushqimore.
Po ashtu, bëhet e ditur se veturat dhe mallrat janë konfiskuar dhe dorëzuar në terminalin doganor.
“Fsh.Bubë, Zubin Potok 05.09.2024-07:05. Raportohet se nga njësitë policore janë ndaluar 4 vetura (tri me targa serbe dhe një me targa lokale) të cilat hynin ilegalisht, nga territori i Serbisë në R. e Kosovës. Gjatë kontrollit dhe verifikimit të tyre, në të gjitha këto vetura kishte të ngarkuar mall të kontrabanduar, kryesisht pije alkoolike dhe produkte të ndryshme ushqimore. Pas kontrollimit të dokumentacionit dhe veturave, është vërejtur se asnjëri nuk kishte dokumentacion mbi prejardhjen e mallit. Në lidhje me rastin veturat dhe mallrat janë konfiskuar dhe dorëzuar në terminal doganor, ndërsa me urdhër të prokurorit kujdestar, personat lirohen dhe rasti shkon në procedurë të rregullt”, thuhet në raportin e plotë të Policisë.