Shqipëria U-21 e mposhti Zvicrën me rezultat 2-1.

Kjo gjatë ndeshjes së vlefshme për kualifikueset e Euro 2025.

Goli i parë u shënua nga lojtari i Zvicrës Franc Surdez, në minutën e 16-të. E dy minuta më pas Adrion Pajaziti e barazoi rezultatin.

Pjesa e parë e ndeshjes u krye me rezultat 1-1.

E në minutën e 69-të, Pajaziti sërish e futi topin në rrjetë, duke e dërguar rezultatin në 2-1.

Kjo fitore i mundëson Shqipërisë 13 pikë në Grupin E, po aq sa Finlanda dhe një pikë më pak se vendi i dytë që mbahet nga Zvicra.

Shqipëria U-21 do të luajë edhe takimin e fundit në këto kualifikuese më datë 15 tetor ndaj Armenisë.

Kuqezinjtë do të tentojnë fitoren e radhës për të shpresuar deri në fund te kualifikimi në Europianin “EURO Sllovaki 2025”.