![](https://www.epokaere.com/wp-content/uploads/2024/09/IMG_4678.jpeg)
Krasniqi për miratimin e Kushtetutës në Kaçanik: I ka dhënë drejtim të ri përpjekjeve të popullit për liri dhe pavarësi
07 shtator 2024
| 12:48
Kryetari i Partisë Demokratike të Kosovës, Memli Krasniqi tha se miratimi i Kushtetutës së Republikës së Kosovës në Kaçanik, “shënoi një moment historik, duke i dhënë një drejtim të ri përpjekjeve të popullit për liri dhe pavarësi”.
Tutje, përmes një postimi në Facebook, Krasniqi thotë se ky ishte një akt guximtar, që i dha zemër rezistencës qytetare kundër pushtimit serbo-jugosllav.
“Rrugëtimi i nisur më herët, falë angazhimeve të shumë gjeneratave, që kulmuan me luftën çlirimtare, u përmbyll me krijimin e shtetit tonë të pavarur e demokratik”, shkroi Krasniqi.
“Nderim i përjetshëm për delegatët e Kaçanikut dhe të gjithë ata që kanë kontribuar në jetësimin e Republikës së Kosovës”.