Gjermania barazoi me Holandën 2-2 në Ligën e Kombeve, por trajneri Julian Nagelsmann është shprehur i kënaqur, sidomos me faktin se futbollistët e tij kanë ide sulmuese.

“Jam i kënaqur me punën e bërë këto ditë. Barazimi këtu mund të qëndrojë. Ne kemi ide sulmuese, lojtarët besojnë në aftësitë e tyre. Sigurisht, nuk jemi ende aty ku dëshirojmë, për të përputhur dominim me rezultatin, por nëse do të jemi të qëndrueshëm rezultatet do të vijnë. Ne duhet të ecim përpara”, u ka deklaruar Nagelsmann.