![](https://www.epokaere.com/wp-content/uploads/2024/06/daku-1.jpg)
Rubin Kazani i kërkon 10 milionë euro për Dakun
Fillimisht, ishte fjala se nuk do të largohej shpejt nga ekipi. Mirlind Daku është padyshim një hero tek Rubini i Kazanit, veçse edhe heronjtë e kanë një çmim, dhe për sulmuesin kuqezi ka interesim.
Mediat ruse informojnë se klubi i Krasnodarit planifikon të marrë 26-vjeçarin nëse shet sulmuesin kryesor të ekipit, Xhoni Kordoba. Këtë e thotë gazetari rus, Ivan Karlov. Babai i futbollistit kosovar deklaroi disa ditë më parë se djali i tij nuk do ta braktisë tani shpejt Rubinin, por transferimi mund të ndodhë në janar. Besohet se Rubini do të kërkojë rreth 10 milionë euro për kartonin e sulmuesit të kombëtares shqiptare, dhe ky do të ishte një përfitim i madh për klubin. Kjo sepse Rubini e mori Dakun vetëm për 1.2 milionë euro nga Osijeku i Kroacisë.
Sulmuesi kuqezi është futbollisti më i mirë i ekipit të trajnerit Rahimov, duke pasur 5 gola dhe 3 asistime në 7 ndeshje të Premier Ligës së Rusisë, ndonëse për momentin është i dëmtuar. Ai nuk është grumbulluar në kombëtare në ndeshjet e Ligës së Kombeve tani në shtator.