Federata e Basketbollit e Kosovës (FBK) ju njofton se, të hënën është Dita e Draftit për JR NBA Kosova. Projekti i JR NBA Kosovës realizohet në bashkëpunim me Federatën e Sportit Shkollor të Republikës së Kosovës.

Ceremonia do të organizohet në Shkollën Fillore “Xhemajl Mustafa” në Prishtinë nga ora 16:00. Në ceremoni do të bëhet hedhja e shortit, ku 30 Shkolla Fillore të gjeneratës 11-14 vjeç janë ndarë në dy Konferenca, apo gjashtë Divizione. Tetë më të mirat e Konferencës kualifikohen në “play-off” dhe më pas zhvillohet “Final Four”, ku shpallet skuadra kampione. Garat do të organizohen në pesë regjione të mëdha të Kosovës si Prishtinë, Ferizaj, Gjilan, Pejë dhe Prizren.

Në regjionin e Prishtinës është edhe Fushë Kosova, në regjionin e Ferizajt edhe Kaçaniku dhe Lipjani, në regjionin e Gjilanit edhe Vitia, të Pejës edhe Istogu, si dhe të Prizrenit edhe Theranda. Ky do të jetë edicioni i tretë i JR NBA Kosovës, që ka për synim zhvillimin e gjeneratave të reja.