Liverpooli po kalon një moment të mirë si në kampionat ashtu dhe në Ligën e Kampionëve. Skuadra e “Reds” përgatitet për një përballje të vështirë në fushën e Newcastle në Premier Ligë. Gjithsesi, trajneri Arne Slot është gati për një tjetër betejë, për të mos humbur kontaktin me “citizens”, që kryesojnë me një

pikë më shumë. “E dimë rëndësinë e kësaj sfide dhe jemi gati të tregojmë se sa vlejmë”, ka thënë Slot. “Ne duam të fitojmë çdo trofe, në çdo turne ku marrim pjesë. Ky është objektivi ynë”, u shpreh më tej Slot, që tashmë nuk i fshëh

më ambiciet e tij dhe të Liverpooli. “Të gjithë janë të rëndësishëm në një sezon të gjatë”, ka thënë holandezi. Ai sqaroi se klubi ka nisur bisedimet për rinovimin e kontratës së 3 lojtarëve kryesorë, që u skadon në fund të këtij sezoni. Sipas Slot, ata janë të rëndësishëm për klubin dhe të ardhmen e tij. “Negociatat me Virgil van Dijk, Trent Alexander-Arnold dhe Mohamed Salah kanë nisur dhe s’do të jetë problem për paraqitjen e tyre në këtë sezon. Ata janë kampionë që duan të fitojnë ashtu si të gjithë”, ka deklaruar Slot.