Kryeministri Ramush Haradinaj i ka dhënë mbështetje paradës së komunitetit LGBTI që do të mbahet sot në Prishtinë.

“Orientimi seksual është përcaktim individual në secilën shoqëri dhe si i tillë duhet respektuar”.

“Është fat i madh që duke qenë shtet i ri ne kemi Kushtetutën, që siguron liri individuale për të gjithë”, ka thënë Haradinaj përmes një postimi në llogarinë e vet në “Facebook”.

“LGBTI dhe Java e Krenarisë do ta kenë mbështetjen institucionale, për të qenë të lirë dhe sigurt në shfaqjen e përcaktimit të tyre”, ka shkruar Haradinaj.