Amerikanët po binden gjithmonë e më shumë se Donald Trump do të rizgjidhet President i Shteteve të Bashkuara të Amerikës, sipas një sondazhi të bërë nga SSRS për “CNN”.

 Sipas këtij sondazhi. 46% janë të sigurt që do të rizgjidhet dhe 47% të bindur për të kundërtën. Por, për Presidentin Trump ky sondazh është një përmirësim, duke marrë parasysh se një sondazh i muajit mars tregoi se 54% e zgjedhësve ishin të bindur që nuk do të konfirmohej në Shtëpinë e Bardhë.

Pra, është rritur numri i atyre që janë rreshtuar për një rizgjedhje të mundshme të Presidentit Trump./tch/