Mbrojtësi i Interit, Joao Miranda e shënoi golin e vetëm në ndeshjen që Brazili e mposhti Argjentinën (1-0). Mbrojtësi shtatlartë golin ia dedikon bashkëshortes së tij.

“Jam shumë i lumtur, e para sepse ndihmova skuadrën time që të fitonte dhe e dyta, sepse ky gol vjen në ditën në të cilën festoj 16-vjetorin e njohjes me bashkëshorten time. Pastaj, t’i shënosh Argjentinës, me të cilën nuk është kurrë një miqësore, e bën edhe më special këtë gol timin. Gjithsesi, dedikimi i golit tim shkon i gjithi për bashkëshorten time. Jam shumë i emocionuar, sepse nuk është e lehtë që të shënosh, aq më shumë për një mbrojtës, por tani dua ta shijoj dhe ta festoj golin me familjen time”, ka thënë Miranda.