Tregu i Bitcoin tani tejkalon vlerën prej 1 trilion dollarë, me çmimin e tij që rriten rreth dhjetëfish në një vit, por fokusi po zhvendoset drejt kërkesave masive të energjisë, të nevojshme për të “mbajtur” monedhën në internet.

Sa energji harxhon?

Energjia totale e konsumuar nga procesi i përfitimit të Bitcoin mund të arrijë 128 terawat/orë këtë vit, sipas Indeksit të Konsumit të Energjisë Elektrike në Kembrixh (CBECI), i cili është përpiluar nga studiuesit e Universitetit të Kembrixhit, përcjell Telegrafi.

Kjo, sipas Japan Times, është 0.6% e prodhimit të përgjithshëm të energjisë elektrike në botë, ose më shumë se i gjithë konsumi i Norvegjisë.

Sidoqoftë, “këta numra mund të duken të mëdhenj kur krahasohen me vendet e mesme ose teknologjitë në zhvillim si automjetet elektrike (80 TWh në 2019), por të vogla kur krahasohen me përdorimet e tjera”, siç janë kondicierët e ajrit, ka thënë analisti i Agjencisë Ndërkombëtare të Energjisë, George Kamiya.

I gjithë operacioni i Google konsumoi 12.2 TWh në vitin 2019 dhe të gjitha qendrat e të dhënave në botë, me përjashtim të atyre që nxjerrin Bitcoin, së bashku konsumojnë rreth 200 TWh në vit.

Ekonomisti Alex de Vries, i cili “bëri bashkë” një nga indekset e parë mbi këtë temë në vitin 2016, është edhe më pesimist.

Ai beson se rritja e fundit e çmimit të Bitcoin do të intensifikojë përdorimin e saj dhe do të çojë konsumin e energjisë përtej asaj të të gjitha qendrave të tjera të të dhënave së bashku.

Cili është ndikimi në mjedis?

Mbrojtësit e Bitcoin thonë se zhvillimi i shpejtë i energjisë së rinovueshme do të thotë se monedha ka një efekt të moderuar në mjedis.

Por studiuesit në Universitetin e New Mexico vlerësuan në vitin 2019, para ngritjes së fundit të çmimeve, se çdo dollar me vlerë të krijuar nga Bitcoin “gjeneroi” 49 cent të shëndetit dhe dëmtimit të mjedisit në Shtetet e Bashkuara.

Përveç kësaj, kritikët e kriptovalutave tregojnë përqendrimin e fortë gjeografik të përdorimit të saj në vende të tilla si Irani.

Por shumica dërrmuese e aktivitetit është në Kinë, ku për një pjesë të vitit, minatorët kinezë përfitojnë nga prodhimi i fuqishëm i energjisë hidroelektrike në jug të vendit, shtoi ai.

Dhe ata migrojnë në veri gjatë sezonit të thatë, ku energjia elektrike prodhohet nga linjiti, një qymyr veçanërisht ndotës.

“Nëse përpiqeni të shihni gjurmën e Bitcoin në çdo kohë të caktuar, do të merrni numra krejtësisht të ndryshëm”, shpjegoi Rauchs. /Telegrafi/