Një muaj më parë, dolën lajmet se Larsa Pippen është në një lidhje me futbollistin e njohur shqiptar, Liridon Krasniqi.

Gjithçka nisi për shkak të disa komenteve që ata shkëmbyen me njëri-tjetrin në rrjetet sociale. Por jo vetëm kaq, pasi Larsa kur postoi një “selfie” në tetor në të shkruante “ta ha zemrën”.

Gjithashtu u përfol se ata kishin prej muajsh që shijonin romancën e tyre. njëkohësisht u vu re se shoqja e Kim Kardashian kishte vendosur edhe një varëse me shkronjë “L”. E teksa 46-vjeçarja postoi një foto në “Instagram”, futbollisti shqiptar i komentonte: “Më pëlqen”.

Por gjithë këto zëra në lidhje me marrëdhënien e tyre, vetë futbollisti i ka mohuar. Duke qeshur ka thënë për “Prive”: “Jo, unë jam beqar”. Krasniqi ka shtuar se Pippen e ka vetëm shoqe të mirë.

“Jo, nuk jam në lidhje, thjesht e kam shoqe të ngushtë, shoqe të mirë!”, ka thënë 28-vjeçari duke theksuar se jetën private e mban për vete dhe se mediat e kanë bërë më të madhe seç është në realitet.

Futbollisti i njohur u shpreh gjithashtu se me qejf do të zgjidhte një femër shqiptare si partneren e jetës.