Endri Fuga, drejtor i komunikimit të kryeministrit Edi Rama, i kontaktuar nga “ABC”, ka deklaruar se drejtori i përgjithshëm i Policisë, Ardi Veliu nuk është shkarkuar nga detyra.

Deputeti demokrat Luan Baçi, në Komisionin për sigurinë kombëtare pyeti ministrin e Brendshëm, Bledi Çuçi nëse është shkarkuar nga detyra Veliu.

Çuçi me ironi ka thënë se përgjigjen do ta marrin kur të ishte koha e duhur dhe se Ardi Veliut nuk i ishte fikur ende “kandili”.

“Do e merrni vesh në kohën e duhur, kur t’i mbarojë kandili”, ka thënë ai.