Një teori që ka qarkulluar në rrjetet sociale është se Melania ka përdorur sozinë e saj për të shkuar dhe votuar…

Pas fitores së Donald Trump në zgjedhjet presidenciale në qendër të diskutimeve apo edhe të spekulimeve është rikthyer edhe Melania Trump. Dy akuza të reja kanë ngjallur shumë diskutime: njëra ka të bëjë me një thashethem të vjetër ku thuhet se sozia e saj e zëvëndëson gjatë disa paraqitjeve publike të Melania dhe tjetra lidhet me mundësinë e një operacioni plastik.

Një teori që ka qarkulluar në rrjetet sociale është se Melania ka përdorur sozinë e saj për të shkuar dhe votuar me Donald Trump në Palm Beach, Florida, javën e kaluar. Video të shpërndara online tregojnë Melania duke dukur ndryshe, çka ka ngjallur dyshime për identitetin e saj. Megjithatë, nuk ka asnjë provë që të mbështesë këtë teori, dhe gjithçka mbetet një spekulim i pabazuar.

Akuza e dytë është lidhur me mundësinë e një operacioni plastik. Sipas ekspertëve të intervistuar nga “RadarOnline.com”, disa kirurgë plastik kanë komentuar mbi pamjen e Melanias, duke sugjeruar se ndryshimet mund të jenë shkaktuar nga mbushës të dhëmbëve, siç tha Dr. Dennis Schimpf, ose nga lodhja pas fushatës zgjedhore, sipas Dr. Thomas Barnes. Dyshimet u shtuan edhe nga përdorimi i syzeve të mëdha nga Melania, të cilat kanë nxitur spekulime për një zëvëndësim të mundshëm nga sozia, pasi fytyra e saj dukej ndryshe gjatë një mitingu të Donald Trump në Madison Square Garden.

Megjithatë, Melania ka hedhur poshtë të gjitha këto thashetheme, duke mohuar nënshtrimin e çdo procedure kirurgjikale. Ajo ka theksuar se ndryshimet e dukshme mund të jenë rezultat i përdorimit të teknikave jo-kirurgjikale, si “Morpheus 8”, një trajtim që përdor energjinë radiofrekuente për të ngjeshur lëkurën dhe për të stimuluar prodhimin e kolagjenit, pa pasur nevojë për operacione.