Ndërsa tensionet globale rriten, siguria bërthamore mbetet një çështje kyçe për Evropën. Aktualisht, dy vende evropiane posedojnë armë bërthamore, ndërsa disa të tjera strehon bomba bërthamore amerikane në kuadër të NATO-s.

Franca dhe Mbretëria e Bashkuar – Fuqitë bërthamore të Evropës

Franca është i vetmi vend i Bashkimit Evropian që zotëron armë bërthamore, me një arsenal prej rreth 290 kokash bërthamore. Doktrina e saj mbrojtëse bazohet në një strategji të pavarur, e cila nuk varet nga NATO.

Nga ana tjetër, Mbretëria e Bashkuar, megjithëse nuk është më pjesë e BE-së, mbetet një fuqi bërthamore me rreth 225 koka bërthamore të vendosura kryesisht në nëndetëset Trident.

Vendet Evropiane që strehon armë bërthamore të SHBA-së

Në kuadër të programit të ndarjes bërthamore të NATO-s, disa vende evropiane mbajnë armë bërthamore amerikane në bazat e tyre ushtarake. Këto vende janë:

• Gjermania
• Belgjika
• Holanda
• Italia
• Turqia

Në këto shtete janë të vendosura bomba B61 të SHBA-së, të cilat mund të përdoren në rast të një konflikti me miratimin e NATO-s dhe Uashingtonit.

Rusia dhe kërcënimi për Evropën

Përveç fuqive bërthamore evropiane, Rusia mbetet një faktor kyç në sigurinë e kontinentit. Me një arsenal të madh bërthamor, Moska ka aftësinë të vendosë raketa edhe në enklavën e Kaliningradit, një rajon strategjik afër kufijve të BE-së, duke ngritur shqetësime për sigurinë rajonale.

Në një kohë kur marrëdhëniet ndërkombëtare janë të tensionuara, mbrojtja bërthamore e Evropës mbetet një temë e nxehtë në samitet dhe diskutimet e sigurisë globale.