AAK bëhet me autobus, mërgimtarët ia bëjnë dhuratë për nevojat e fushatës (Video)
31 janar 2021
| 20:55
Përkrahjen për Ramush Haradinajn në zgjedhjet e 14 shkurtit, disa mërgimtarë e shprehën edhe në njërin nga trenat zviceranë.
Por, meqë këtë mjet transporti nuk mund ta sillnin në Kosovë, përkrahësit nga Zvicra këtë të diel, ia sollën dhuratë një autobus AAK-së.
Me të figurat e kësaj partie do të shëtisin qytetet e Kosovës në fushatë zgjedhore.
Për këtë peshqesh që ua sollën bashkatdhetarët bashkë me votat e tyre, është falënderues nënkryetari Pal Lekaj i cili tha se ky mjet transporti ka një kuptim.
“Diaspora nuk është ashtu siç po thonë me Albinin, po shihet që janë me aleancën” tha Lekaj.