![](https://www.epokaere.com/wp-content/uploads/2018/08/aak_1535569758-1877843.jpg)
AAK-ja: Kufijtë e Kosovës nuk negociohen
Kryetari i Aleancës për Ardhmërinë e Kosovës, njëherit kryeministri Ramush Haradinaj ka takuar sot udhëheqjen e lartë të partisë.
Për këtë takim ka shkruar në profilin e tij në “Facebook”, nënkryetari i AAK-së, Pal Lekaj.
Ai ka njoftuar se AAK është pro cdo nisme që ka për qëllim paprekshmërinë e kufijve të Kosovës.
Postimi i plotë i tij:
Kufijtë e Kosovës nuk negociohen!
Në takimin e udhëheqjes më të lartë të AAK-së, e ku i pranishëm ishte edhe Kryetari Partisë, Ramush Haradinaj, njëzërit është rikonfirmuar qendrimi se kufijtë e Kosovës janë të panegociueshëm dhe AAK e deputetët e saj janë në favor të çdo nisme, që është pro këtij qëndrimi.
Ajo që do të jetë krejtësisht e papranueshme për ne si AAK, janë nismat që për qëllim mund të kenë përplasjet e kusuritjet personale ndaj përfaqësuesve politikë e institucional, duke mos përjashtuar këtu as presidentin.
Për hirë të informimit të opinionit publik, ne jemi pro çdo nisme që për qëllim ka paprekshmërinë e kufijve të Kosovës!