Kryetari i ri i Lidhjes Demokratike të Kosovës, Lumir Abdixhiku, sot do të bëjë homazhe te varri i ish-presidentit Ibrahim Rugova.

“Më 15 mars 2021, në orën 11:00, kryetari i LDK-së, Lumir Abdixhiku me bashkëpunëtorë bën homazhe te varri i presidentit historik të Kosovës, dr. Ibrahim Rugova”, thuhet në njoftimin e LDK-së.

Abdixhiku u zgjodh kryetar i LDK-së në Kuvendin e jashtëzakonshëm Zgjedhor të mbajtur dje, duke mposhtur dy kundërkandidatët e tij, Lutfi Haziri dhe Besian Mustafa. Zgjedhjet në LDK erdhën pas debaklit që pësoi në zgjedhjet e 14 shkurtit kjo parti, pas dorëheqjes së Isa Mustafës.