Kryetari i Lidhjes Demokratike të Kosovës (LDK), Lumir Abdixhiku, ka mbledhur në një takim deputetët e zgjedhur të kësaj partie.

Tashmë në selinë e LDK-së kanë shkuar shumica e deputetëve, duke përfshirë Avdullah Hotin, Agim Veliun, Driton Selmanajn, Anton Qunin, Arben Gashin, etj.

Kujtojmë se të premten kryetari i LDK-së do të takohet me fituesit e zgjedhjeve të 14 shkurtit, Albin Kurtin dhe Vjosa Osmanin për të diskutuar në lidhje me formimin e institucioneve të reja.

LDK-ja ende nuk e ka bërë publik qëndrim nëse do ta përkrah Vjosa Osmanin për presidente të Kosovës.