Laura Fazliu arriti t’i sigurojë vendit medaljen e dytë në lojërat olimpike në Paris. Kryetari i Lidhjes Demokratike të Kosovës, Lumir Abdixhiku, këtë e mori për shenjë që “Republika është e fortë”.

“Sportistet tona po e lartësojnë Republikën, flamurin tonë, shtetin tonë. Ato po lartësojnë dhe ëndrrat e çdo vajze kosovare për të arritur një ditë të pamundurën!”, ka shkruar Abdixhiku.

Postimi i Abdixhiku:

Nga Majlinda në Rio 2016, te Nora e Distria në Tokio 2020, e deri tek Laura e Distria sërish tani në Paris 2024 – tregimi vazhdon! Republika është e fortë! 🇽🇰

Sportistet tona po e lartësojnë Republikën, flamurin tonë, shtetin tonë. Ato po lartësojnë dhe ëndrrat e çdo vajze kosovare për të arritur një ditë të pamundurën!

Ju faleminderit çika që i jepni Kosovës kaq shumë krenari. Dy medalje Olimpike deri më tani nga Parisi; 5 në gjithë historinë tonë të shkurtër! E ardhmja është e bukur. E bëjnë njerëzit tanë!