Lideri i Lidhjes Demokratike të Kosovës (LDK), Lumir Abdixhiku, ka thënë se koha kur Vetëvendosje ka pasur dorë në partinë e tij ka vdekur.

Abdixhiku, mes tjerash, i ka propozuar kryeministrit Albin Kurti, që të brengoset për rrethin e tij.

“Koha kur Vetëvendosje ka pasur dorë në LDK ka vdekur. Tash nisu e brengosu për rrethin tënd se çfarë po thonë në LV për ty”, është shprehur Abdixhiku në Kuvend, pasi Kurti ka thënë se liderët e opozitës po paraqiten sikur të kishin qenë dikur në Vetëvendosje.

“Krasniqi dhe Abdixhiku po flasin si aktivistë që kanë dhënë dorëheqje nga Vetëvendosje. Nuk e di sit a shpjegojë ndryshe këtë kurs. Sikur të ishin aktivistë e po sillen të pakënaqur me kryetarin. Po më duket vetja sikur në Këshillin e Përgjithshëm në Vetëvendosje, por këtu është parlamenti, ku ju jeni parti të tjera, jo Vetëvendosje”, është shprehur Kurti.