Autostrada e Anamoravës dhe stadiumi i Qytetit do të përfundojë brenda dy vitesh nën qeverisjen qendrore të LDK-së.

Kështu ka premtuar kandidati i kësaj partie për kryeministër, Lumir Abdixhiku, në tubimin elektoral me disa nëndegëve në Gjilan.

Pos kësaj rruge, dha zotime edhe për projekte të tjera infrastrukturore në këtë komunë.

“Kjo betejë e jona po merr frymë gjithandej. Pas shumë vitesh, na u mbush salla në Gjakovë dhe siç duket i frikësuam ata (VV-në) që na ndaluan sallën e sporteve (për tubimin përmbyllës më 6 shkurt”. Prandaj nuk jam këtu që të ndajë në patriot dhe trathtarë por jam këtu që të bëjë bashk drejt uraganit që ka vetëm tri shkronja ‘LDK’”, u shpreh Abdixhiku,

Ai për sportdashësit e këtij qyteti premtoi një stadium.

“Përveç Atuostradës së Anamoravës në këtë qytet që nuk kanë arritur ta përfundojnë, po ju zotohem se qytetit të Gjilanit brenda mandatit tonë do të bëhet stadiumi i qytetit dhe ai do të jetë me 7 mijë ulëse e pastaj ju vendosni a do të jeni me Dritën apo Gjilanit”, u shpreh Abdixhiku.

Kryetari i degës së LDK-së në Gjilan, Lutfi Haziri, ka thënë se gjilanasit kanë provuar partinë në pushtet në dy nivele, si atë nacional dhe atë lokal por që sipas tij janë zhgënjyer.