Ministri në detyrë i Infrastrukturës dhe Ambientit, Lumir Abdixhiku, ka thënë se Qeveria në detyrë sot do të merr vendim për të ndaluar ndërtimet në burimet ujore.

Ai në një paraqitje para medieve gjatë vizitës në Ferizaj, ka thënë ] se nuk do të lejohen licenca për hidrocentrale.

“Qeveria nuk ka lejuar dhe nuk do të lejojë asnjë licencë për asnjë hidrocentral, jo në këtë periudhë por pa u bërë një shqyrtim më i gjerë për politikat e deritanishme. Në këtë fazë ka një masë që po përgatitet për të ndaluar të gjitha punimet në burimet e ujit meqenëse uji është esencial për mirëmbajtjen e pastërtisë gjatë pandemisë”.

“Besoj se gjatë ditës së sotme do të merret vendim me institucionet për të ndaluar ndërtimet në burimet ujore”, është shprehur Abdixhiku.