Kryetari i Lidhjes Demokratike të Kosovës (LDK), Lumir Abdixhiku, ka pritur në takim ambasadorin e Italisë në Kosovë, Antonello De Riu.

Në njoftimin e LDK-së është thënë se Abdixhiku e ka njoftuar ambasadorin italian për qëndrimet e partisë karshi situatës dhe zhvillimeve politike në vend.

Abdixhiku ka folur për nevojën e vazhdueshme për integrimin e Kosovës në institucione euroatlantike.

Gjithashtu, Abdixhiku ka shprehur mirënjohje dhe falënderim për mbështetjen e Italisë ndaj Kosovës.

“Kryetari Abdixhiku e njoftoi ambasadorin De Riu rreth qëndrimeve të LDK-së karshi situatës dhe zhvillimeve politike në vend. Gjatë takimit kryetari Abdixhiku po ashtu ritheksoi nevojën e vazhdueshme për integrimin e Kosovës në institucionet euroatlantike. Po ashtu u diskutua për thellimin e bashkëpunimit ndërmjet vendeve tona, ndërsa kryetari Abdixhiku shprehu mirënjohjen e tij për mbështetjen që Italia i ka dhënë Kosovës në të gjitha proceset”, është thënë në njoftimin e LDK-së.