Paolo Fonseca e ka konfirmuar për gazetarët teksa po largohej nga San Siro, që është shkarkuar nga Milani.

“Është e vërtetë. Ndërgjegja ime është e pastër, bëra gjithçka që munda,” ishin fjalët e trajnerit teksa po largohej nga stadiumi San Siro, pas barazimit 1:1 me Romën.

Trajneri ishte detyruar të fliste për DAZN dhe të ulej në një konferencë shtypi duke iu përgjigjur pyetjeve në lidhje me shkarkimin e tij të mundshëm, duke këmbëngulur se ai nuk ishte informuar për asgjë në lidhje me të ardhmen e tij.

Gjatë gjithë kohës, burime të shumta mediatike e dinin për orë të tëra se Sergio Conceicao ishte rreshtuar për ta zëvendësuar atë.

Vetëm pas këtyre intervistave dhe detyrave mediatike Fonsecas iu tregua lajmi i pashmangshëm nga drejtorët e Milanit.

Duke u larguar nga San Siro pas mesnate, pas barazimit 1:1 me Romën, ai u ndal për një kohë të shkurtër për të folur me gazetarët që kishin mbetur.

“Është e vërtetë, unë jam jashtë Milanit. Kjo është jeta. Ndërgjegjja ime është e pastër, sepse bëra gjithçka që munda.”

Ai mbikëqyri Milanin në 12 fitore, gjashtë barazime dhe gjashtë humbje midis Serie A, Ligës së Kampionëve dhe Kupës së Italisë.

Debutimi për trajnerin e ri Sergio Conceicao do të jetë më 3 janar kundër Juventusit në gjysmëfinalen e Superkupës së Italisë në Riad të Arabisë Saudite.