Moti Arktik ka përfshirë një pjesë të Rusisë të martën, me temperaturat në disa zonat të Siberisë që ranë në minus 58 gradë celsius.

Yakutsk, një nga qytetet më të ftohta në botë, i cili shtrihet rreth 5,000 km (3,100 milje) në lindje të Moskës, ishte i mbuluar nga retë e ngrira dhe mjegulla, treguan pamjet me dron.

“Unë erdha posaçërisht këtu në Yakutsk për të përjetuar një mot të tillë – kështu që unë jam me fat pasi në dhjetor ju zakonisht nuk e merrni atë”, ka thënë Danila, mjekra, kapela dhe shalli i së cilës ishin të mbuluara me akull.

Siç raporton “Reuters”, ai ka thënë se temperaturat ekstreme ia bënë pallton shumë më të ngurtë, ndërsa telefoni i tij humbi karikimin brenda pak minutash. Dy palë doreza ishin thelbësore, si dhe shtresat e rrobave.

Temperaturat në pjesë të Republikës Sakha, një rajon i gjerë pak më i vogël se India që ndodhet në pjesën verilindore të Siberisë, kanë rënë nën minus 55 gjatë natës.

Në Oymyakon, një vendbanim në Sakha, temperatura ishte minus 58 C të martën. Parashikuesit e motit thanë se do të ndjehej si minus 63 C duke pasur parasysh lagështinë dhe erën.

Në tregun në Yakutsk, peshqit shiteshin të ngrirë thellë, të paketuar në dhjetëra kuti në treg. Nuk kishte nevojë për frigorifer. Shitëset ishin të mbytura me kapele të mëdha leshi.

“Është ftohtë. Duhet të kesh vetëm rrobat e cilësisë së duhur dhe më pas gjithçka do të jetë në rregull. Gjëja kryesore është të vazhdoni të lëvizni në mënyrë që gjaku juaj të qarkullojë”, ka thënë një banor, Pyotr.