Nënkryetari i PDK-së, në Zvicër, Adhurim Krasniqi ka kujtuar 25-vjetorin e themelimit të Rinisë Demokratike. Krasniqi ka thënë se ndihet krenar me angazhimin e tij, që nga viti 2000 e tutje. Krasniqi sot ka vizituar zyrat ku kishte kontribuar në kuadër të Rinisë Demokratike.
“Për mua ishte kënaqësi e vërtetë t’i vizitoj zyrat ku së bashku me shumë djem e vajza të Rinisë Demokratike kemi dhënë kontributin tonë. Unë në këto zyra hyra pas 20-vitesh, dhe u frymëzova shumë që të vazhdoj të jap kontributin tim maksimal dhe që të dalim fitimtar në zgjedhjet e 9 shkurtit. Më 9 shkurt duhet të fitoj vizioni i Bedri Hamzës për kryeministër dhe kandidati i diasporës, Ragip Xhaka për deputet i cili garon me numrin 34.
Postimi i plotë i Adhurim Krasniqit:
Një rini e sapo dalur nga lufta, ishte bashkuar dinjitetshëm partisë politike që në vete i bartë vlerat e Ushtrisë Çlirimtare të Kosovës.
Nga atëherë, ndërruan ngjyrat e logot, por nuk ndërroi besimi i shumë njerëzve në vizionin dhe trashëgiminë politike të PDK-së.
Rinia Demokratike e Kosovës ishte dhe mbetet bërthama e strukturës sonë politike.
Goditjet na kanë lënduar, por nuk na kanë trembur në rrugën tonë, përkundrazi na kanë kalitur dhe bërë më të fortë.