Japonia, pas tërmetit vdekjeprurës, përjetoi një tjetër incident tragjik me përplasjen e dy avionëve, një Airbus A350 i Japonisë Airlines dhe një më të vogël nga Roja Bregdetare Japoneze, në pistën e aeroportit Haneda në Tokio, që rezultoi në humbjen e pesë personave.

Fatmirësisht, të gjithë 379 personat në bordin e Airbus A350 të Japan Airlines të përfshirë në incident u evakuuan…me procedura përmbledhëse, ndërsa u përfshi nga flakët dhe pak para se të shkatërrohej plotësisht. Në fakt pamjet që u publikuan shpejt në internet me avionin të prerë në dysh dhe bishtin në pistë, treguan plotësisht përmasat e fatkeqësisë. Disa orë pas incidentit tronditës, fotot e asaj që mbeti nga avioni i Japan Airlines janë plotësisht përfaqësuese dhe tregojnë se çfarë do të kishte ndodhur nëse qindra pasagjerë nuk do të largoheshin dot shpejt prej andej. Shikoni pamjet nga avioni i rojes bregdetare:

E ndërsa autoritetet po hetojnë shkakun e përplasjes misterioze me avionin e rojes bregdetare që transportonte ndihma për viktimat e tërmetit (në të cilin vdiqën 5 nga 6 personat në bord), të gjithë flasin për një evakuim “mrekulli”, falë të cilit u shpëtua jeta e 367 pasagjerëve dhe ekuipazhit të Japan Airlines.

Por nuk ishte një “mrekulli”. Ekspertët ia atribuojnë evakuimin e suksesshëm të Airbus-it të djegur një kombinimi të rregulloreve moderne të sigurisë dhe kulturës strikte të sigurisë së Japan Airlines. Ekuipazhi “thjesht” bëri atë për të cilën ishte i trajnuar. Ata ruajtën gjakftohtësinë dhe i udhëzuan pasagjerët në mënyrë të rregullt dhe të shpejtë drejt sigurisë, fillimisht në rrëshqitjen e stukturës së fryrë që vendoset automatikisht pas një aksidenti, dhe më pas daljen jashtë aeroplanit.

Ky reagim nga ekuipazhi nuk ishte befasues. Anëtarët e JAL kalojnë nëpër trajnime rigoroze dhe të detajuara pasi linja ajrore ka një kulturë shumë strikte rreth procedurave standarde, duke bërë gjithçka siç duhet. Kjo është një nga arsyet që në këtë rast ekuipazhi duket se ia ka dalë kaq mirë të mbyllë me sukses një operacion të vështirë.

Shihni imazhet e mbetura nga Japan Airlines A350