Aeroporti në qytetin qendror të Ukrainës, Dnipro, është shkatërruar plotësisht nga bombardimet e reja ruse, tha një zyrtar lokal të dielën.

“Ka pasur një sulm tjetër në aeroportin Dnipro. Nuk ka mbetur asgjë prej tij. Vetë aeroporti dhe infrastruktura rreth tij është shkatërruar. Raketat vazhdojnë të fluturojnë dhe fluturojnë”, ka thënë  kreu i administratës ushtarake të qytetit, Valentin Reznichenko, në “Telegram”.

Ai ka shtuar se autoritetet po kërkonin të sqaronin informacionin për viktimat.

Reznichenko ka thënë se sulmet në qytetin, i cili shtrihet në brigjet e lumit Dnieper, u intensifikuan të dielën.

Qyteti industrial me një milion banorë është shënjestruar nga forcat ruse që nga pushtimi rus më 24 shkurt, por deri më tani është kursyer nga shkatërrimi i madh.

Njoftimi ka ardhur pasi Ukraina, e cila kundërshtoi një ofensivë ruse në Kiev, parashikon një sulm të rinovuar të Kremlinit në lindje dhe jug të vendit.

Forcat ruse kanë qëlluar me predha në rajonet Luhansk dhe Dnipro të Ukrainës herët më 10 prill, duke goditur disa ndërtesa, kanë thënë zyrtarët ukrainas.

Në qytetin qendror të Dnipros, një person u plagos kur një ndërtesë është goditur, ka thënë guvernatori rajonal Valentyn Reznichenko.

Granatimet kanë ndezur një zjarr që përfundimisht është shuar, ka thënë guvernatori.