Nga fillimi i viti është regjistruar një numër rekord pasagjerësh në aeroportin ndërkombëtar “Nënë Tereza” të Tiranës.

“Nga janari deri më 25 shtator janë regjistruar 5.2 milionë, duke tejkaluar rekordin e një viti më parë, që nënkupton se deri në fund të vitit ai numër do të jetë shumë më i lartë”, njofton INSTAT.

Numri i madh i pasagjerëve vjen si pasojë e sezonit të suksesshëm turistik veror, i cili këtë vit konsiderohet rekord.

Sipas INSTAT këtë vit, në tetë muaj kanë vizituar vendin 7.2 milionë të huaj, që është 26.9 për qind më shumë se e njëjta periudhë e vitit të kaluar.

Shqipëria shënoi një sezonë rekorde turistike vitin e kaluar kur e vizituan 7.5 milionë turistë, një numër më se i sigurt se do të jetë më i lartë këtë vit.(INA)