Ish-kandidatja e PDK-së për kryetare të komunës së Deçanit, Ardiana Qorraj, ka njoftuar në “Facebook” se kanë pritur sot në këtë komunë kandidatin për deputet nga PDK-ja, Shahin Dervishaj.

“Bashkë me kandidatin për deputet z. Shahin Dervishaj, me numër 77 në listën e PDK-së, biznesmen i suksesshëm në Gjermani, kemi qëndruar në Deçan, ku diskutuam për mundësitë e zhvillimit më fokus në bujqësi. Me Shahinin revokuam kujtime nga fëmijëria, ku si i ri kishte vizituar Deçanin, si shembullorë në vitet e ‘70-ta në Pushimoren e fëmijëve në Deçan. Sot për shkak të politikave jo të mira, ka mbetur një qendër e pazhvilluar duke ia humbur potencialin e zhvillimit Komunës së Deçan. Me programin qeverisës të PDK-së dhe kandidatit për kryeministër z. Bedri Hamza, Kosova mundët #mamirë”, ka shkruar Qorraj.