Kombëtarja e Kosovës U17 në konkurrencën e femrave ka shënuar fitore të madhe në udhëtim ndaj Luksemburgut në kuadër të kualifikimeve për Evropianin për Femra.

Aurora Racaj ishte protagonistja kryesore në këtë takim, duke shënuar 3 gola, derisa një herë shënoi edhe Rreze Gashi.

E pas triumfit të vashave tona, ka ardhur edhe reagimi nga presidenti i FFK-së, Agim Ademi.

I pari i futbollit kosovar ka shkruar në faqen zyrtare se është krenar dhe i lumtur me suksesin e vashave të Kombëtares U17.

Postimi i  Agim Ademi:

Kënaqësi e papërshkrueshme kur shoh gëzimin në fytyrat e Dardaneve tona të reja!

Krenar dhe i lumtur për suksesin e Kombëtares U17, që qysh në debutimin e saj arriti ta kalojë fazën e parë kualifikuese dhe të promovohet në Ligën A të kualifikimeve për Evropianin 2022.

Urime për vajzat dardane, për prindërit e tyre që i mbështesin dhe për klubet dhe stafin e trajnerëve që punojnë me përkushtim në ngritjen e tyre profesionale.

Zhvillimi dhe masovizimi i futbollit të vajzave ka qenë dhe mbetet ndër prioritetet tona, derisa sukseset e tilla na ndihmojnë në rritjen e mëtejme.

Le të punojmë së bashku në vazhdimësi për suksese tjera!

Me respekt,

A.A.