Kryetari i Federatës së Futbollit të Kosovës, Agim Ademi, është duke përmbushur pikat e planprogramit të tij.

Ademi ka udhëtuar për në qytetin e Offenbach-ut ku po mbahen garat për Kupën e Diasporës në Gjermani, me pjesëmarrjen e 10 klubeve shqiptare.

“Në programin tim pjesë e rëndësishme është edhe zhvillimi i futbollit në Diasporë dhe mbështetja e komunitetit të futbollit atje”, ka shkruar në llogarinë e vet, Ademi.

Postimi i plotë i tij:

Në programin tim pjesë e rëndësishme është edhe zhvillimi i futbollit në Diasporë dhe mbështetja e komunitetit të futbollit atje.

Këtë fundjavë po qëndroj në Offenbach ku po mbahen garat për Kupën e Diasporës në Gjermani, me pjesëmarrjen e 10 klubeve shqiptare.

Fituesi i kësaj gare si dhe fituesi i Kupës së Diasporës në Zvicër do të luajnë në vjeshtë me fituesin e Kupës së Kosovës për Superkupën Kosovë-Diasporë.

Bashkëatdhetarët tanë kanë dhënë kontribut të jashtëzakonshëm për vendin tonë në vazhdimësi, prandaj e kemi obligim që t’i mbështesim dhe t’u japim hapësirën e nevojshme për t’i promovuar vlerat e tyre edhe në futboll.

A.A.

#BashkëPërFutbollin